CRUZEIRO Y STRYX

 Os selos discográficos Romantic Songs Recordings, La Rubia Producciones, Interstellar Smoke Records e Vertebrae están orgullosos de presentar unha nova e fascinante colaboración entre a banda “Cruzeiro”, da Galiza, e a banda “Stryx”, italiana, dúas formacións de doom psicodélico con voces principais femeninas. 

A edición desta colaboración, con dous novos singles, en formato split, será en 7”, e sairá tanto de maneira física como dixital o vindeiro 6 de xaneiro de 2024.Dende a mística paisaxística da Galiza, Cruzeiro percorre a súa costa atlántica para retratar as imaxes deixadas polos restos dun naufraxio imaxinario. 

    O seu single “Naufraxio” constrúese a partir de certos fragmentos do poema homónimo do coruñés Aleixandre, nunha viaxe sonora que pretende somerxer aos seus ouvintes nun océano cheo de riffs etéreos e melodías inquedantes, e cunha voz disposta a inmovilizar aos mariñeiros das augas máis salvaxes.

Na outra cara da colaboración, Stryx, unha banda formada entre Italia e Alemaña, presenta o seu novo single "Seta Nera", para enrolar ao seu público nunha seda preta, cos seus riffs sinistros e as súas voces delirantes, cornadas de doom decididas a presaxiar unha inquedante revolta contra a hipocresía da igrexa católica italiana.

Esta novedosa colaboración “plus ultra” entre as dúas bandas reflicte o alcance xa global do xénero do doom de tipo psicodélico e mailo vibrante mosaico da escena musical do noso underground galego.

CRUZEIRO:

Orixinaria de A Coruña, Galiza, a banda, fundada en 2019, está formada por: Beatriz Onyx (Voz), Gon. B (guitarra), Raposa (baixo) y Rust (batería). Banda de sons envolventes e contundentes, lisérxicos e cósmicos, están influenciados por outras bandas como Windhand, Om, Sleep, Electric Wizard e mailo icónico Black Sabbath. CRUZEIRO, unha peregrinaxe sonora a través do folk galego e as profundidades do stoner doom psicodélico.

Discografía:

CRUZEIRO – demo presentación (2019)

CRUZEIRO – “Cruzeiro” (2021)

CRUZEIRO – canción para a apertura do podcast “Sabbra Cadabra” (2023)

STRYX:

Stryx xorde dos mesmos impíos territorios dos que brotaron as bandas Paul Chain, Antonius Rex e as primeiras Death SS en Le Marche, Italia. O compositor e guitarrista The Undertaker convocou a Sacerdotisa (voz), ao Magus (baixo) e ao Wraith (batería), nunha congregación retro tinguida de ocultismo: de aí o nome de Stryx, criatura nocturna sedenta de sangre de orixe grego e latino, semellante ao moucho, fora tamén un controvertido programa de televisión italiano dos anos 70, vinculado tematicamente ao demo e mailo inframundo.

A súa música combina todos estes elementos para contraexorcizar os horrores da igrexa católica italiana coas súas letanías psicodélicas tan impregnadas de fatalismo e nihilidade.

                                                                        

                              

                                               BY MARU